Bilboko SC Gallery-k On Paper izenburuko erakusketa ondu du, galeriaren seigarren urteurrenaren harira. Erakusketak paperean oinarritutako bost artistaren lanak biltzen ditu, eta zabalik egongo da uztailaren 18ra arte.
Andrea Btoy, Daniel Munoz , Sixe Paredes, SpY eta Suso33 artisten lanak daude ikusgai; Sergio García Bayón da erakusketaren komisarioa, eta, bertan, marrazkiak, collageak eta argazkiak jasotzen dira.
Hala, Btoy-k kolore biziekin ondutako collageak paratu ditu SC Gallery-n; Daniel Muñozek eduki sinboliko handiak dituzten marrazkiak; Sixe Paredes-ek kutsu urbanoko margolanak; Spy artistak ere, hiri-kutsua duten argazkiak paratu ditu; eta, azkenik, Suso 22 artistak graffitti-tik edaten duten marrazkiak jarri ditu ikusgai.
Street Art, arte urbanoa eta graffittia maite dituzten zaleentzako hitzordu interesgarria da On Paper erakusketa kolektiboa.
