IKUS-ENTZUN

“Noir” zinema protagonista aste honetan Iruñean

Iruña Beltza jaialdia ez da aurtengo urtarrilean egingo, eta maiatzera pasatzea deliberatu dute antolatzaileek. Halarik ere, Nafarroako Filmotekak hainbat film pantailaratuko ditu urtarrilean eta maiatzean noir zinema protagonista delarik. Britainia Handia izango da aurten herri gonbidatua.

Noir aperitibo honetarako hautatutako hiru izenburuak Britainia Handiko zinemaren historiako garai oso zehatz bati dagozkio, non generoko ekoizpen ugari bildu baitziren. “Hamarkada pare bat dira (berrogeita hamarreko eta hirurogeiko hamarkadak , gutxi gorabehera), eta genero horrek beste batzuen gainetik egiten du distira –Free Cinema alde batean utzita-, nahiz eta bere distira poliki-poliki itzaltzen joan zen. Garai honetako hiru film aukeratu ditugu, bere urritasunaren arabera, garai eta istorioetara hurbiltzeko modu berezia erakutsi ahal digute, fikziozkoak izanik ere, gizakiei buruz eta gizarteari buruz irudikapen nabaria eskainiko digute”.

Urtarrilaren 13an, Odd Man Out (Carol Reed, 1947) filma proiektatuko da; 14an, Night and the City (Jules Dassin, 1951) eta 15ean, Victim (Basil Dearden, 1961) filma.
Filmen proiekzioak jaialdiaren ohiko tokian egingo dira, hau da, Baluartearen Camara aretoan.

Uharteetako zinema beltza zertan den jakin nahi baduzue Nafarroako Filmotekak aukera paregabea eskainiko dizue.

Erakutsi gehiago

Antzeko artikuluak

Utzi erantzuna

Zure e-posta helbidea ez da argitaratuko.

Cookie propioak erabiltzen ditugu, bai eta hirugarrenen cookieak ere, zure nabigatze-esperientzia eta gure zerbitzuak hobetzeko. Nabigatzen jarraitzen baduzu, euren erabilera onartutzat joko dugu.Ikusi cookien politika.

ACEPTAR
Aviso de cookies