Artea eta Kultura 2019 programaren barruan jarduera artistikoak eta kulturalak sustatu nahi dira, eta Nafarroako udalerriei zuzendutako programa honetarako 517.000 euroko diru-laguntza onartu da. Udalek apirilaren 3ra bitarteko epea izango dute eskaera aurkezteko.
Musika, lirika, literatura, antzerkia, dantza, arte plastikoak, zinema eta ikus-entzunezkoak sustatzeko eta antolatzeko bideratuko da dirua. Halaber, kontrataziotik eta programaziotik eratorritako gastuak ordainduko dira eta egile-eskubideen kudeaketarengatik sortutako gastuak eta antolatutako ekitaldiak gauzatzeko eta hedatzeko partidak. Jarduera guztiek azaroaren 7ra bitarte egingo dira.
Kontuan hartuko dira “jardueren programazioa, ekintza-kopurua diziplinen arabera, euskarazko jarduerak, biztanleriarekiko aurrekontu-ahalegina eta udalerrian kultura kudeatzeko teknikariak izatea edo zerbitzu kulturalak enpresa baten bitartez kontratatzea”.
Gogoratu apirilaren lehen egunetan amaitzen dela eskariak egiteko epea.
