Sopelako Laubide tabernaren karpak Eclosound jaialdiaren edizio berri bat hartuko du gaur eta bihar. Bizkaiko kostaldeko udalerria, gainera, jaietan dago. Hala, bi egunetan, underground-eko dozena bat talde berri pasatuko dira karpa horretatik.
Gaur bertan hasiko da Eclosound banda gazte hauen emanaldiekin: Teniente Caballo (indie), Ecuacion Anti Vida (noise), Selvas (stoner-garage), Mortimer y su pura banda (80`s Rock), WHYWHYKA eta Los Wallas (garage-rock).
Bihar, berriz, hauexek joko dute: Zua & Kike, Los Chivatos de Ana Frank, Spaghetti & Los Western (basque country), Los Empty Heads (post-stoner), Principia Discordian eta Mamagigi’s (country).
Kontzertuak 22:00etan hasiko dira eta 3:00etan amaituko dira. Jaialdia Principia Discordia taldeak ondu du, eta banda horrek jaialdia baliatuko du single berria aurkezteko.