Bihar, Villabonako Subijana etxeko areto nagusian Ahoa Bete Hots jardunaldien aurkezpena egingo dute Zigor Etxeburua, Gipuzkoako Foru Aldundiko euskarako zuzendari nagusiak, Josune Zabala, Mintzola Fundazioko zuzendariak eta Beñat Gaztelumendi, Euskal Herriko Bertsozale Elkarteko ikerkuntza saileko arduradunak.
Aurtengo gaia “Euskalkiak, batua eta erregistroa ahozko kultur sorkuntzan” izango da. Bihar bertan ere, 2011ko Ahoa Bete Hots jardunaldiei buruz argitaratutako liburuaren aurkezpena egingo da.
