LITERATURA

Kirmen Uribe idazleak “Izurdeen aurreko bizitza” izeneko liburua argitaratu du

Susa argitaletxeak Kirmen Uribe idazlearen Izurdeen aurreko bizitza izeneko liburua argitaratu du.

Argitaletxeak berak eman dizkigu Uriberen lan berriaren gaineko zertzelada batzuk: “Euskal kondaira zahar baten arabera, izurdeak, garai batean, pertsonak izan ziren. Izurde bilakatu ziren laminen maitale izatearren. Eta behin gorputzez aldatuta, ezin berriz lehengora itzuli. Migranteari ere gertatzen zaio halakorik herrialdez aldatzen denean. Mudatzen zaio bizitza eta ezinbestean baita atzean utzitakoarekiko lotura ere.
Uri, Nora eta bien seme-alabak New Yorkera lekualdatuko dira liburu honetan. Rosika Schwimmer sufragista eta bakezalearen bizitzan oinarritutako nobela bat idatzi nahian ari da Uri: nola hazi zen zaldi eta kontzertu artean, nola lotu zen emakumeen askapen mugimendura, nola antolatu zuen Gerra Handiari aurre egin nahi zion bake-ontzia. Haren urratsak ikertu bitartean, ordea, bereak ere aterako zaizkio bidera, haurtzaroko bizipenak, faro bat arrosaz margotu zutenekoa, izebarekin konpartitutakoak. Familia ezari-ezarian hirian etxe egiten doan bitartean.”

Egile ondarrutarrak honakoak ere argitaratu ditu: Bitartean heldu eskutik (Susa, 2001),   Portukoplak (Elkar, 2007); Bilbao-New York-Bilbao (Elkar, 2008), Mussche (Susa, 2012), Elkarrekin esnatzeko ordua (Susa, 2016), eta 17 segundo (Susa, 2019).

Erakutsi gehiago

Antzeko artikuluak

Utzi erantzuna

Zure e-posta helbidea ez da argitaratuko.