Bertha Gaztelumendik eta Rosa Zufiak zuzenduriko Arnasa Betean. Emakume Zinegileak (2023) filma otsailaren 7an emango dute Iruñean. Oiartzunen joan den astean izan zen emanaldia.
Emanaldia Nafarroako Ateneoak eta Iruñeko Udalak antolatu dute, 19:30etik aurrera, Civivox Kondestableren Areto Nagusian. Sarrera doakoa izango da, aretoa bete arte, eta zuzendariak bertan izango dira.
Lanaren korapiloa hauxe da: Emakumezko hiru urpekariren ahotsetan, makina bat emakumek egindako lana goratzen du filmak, “euren begiradatik, ametsetatik, aurrera ateratzeko ahaleginetatik eta, batez, ere, zinemari eta gizarteari egin dioten ekarpenetik. Hala, aitzindari eta bide urratzaile izandako horien eta, egun, zinema-jaialdietan arrakasta ezagutzen ari diren gazteen testigantzak jarriko erdigunean.”
Bertha Gaztelumendi eta Rosa Zufia zuzendarien Arnasa betean. Emakume zinemagileak piezan, diogun moduan, emakumezko euskal zinemagileak protagonista dira, eta hala, dituzten begiradak, ametsak, eta aurrera egiteko ahaleginak kontatuko dituzte.
Emakume zinemagile horiek, besteak beste, hauexek dira: Maria Elorza, Maider Oleaga, Arantxa Echevarria, Mireia Gabilondo, Lara Izagirre, Alauda Ruiz de Azua, Ana Diez, Esti Urresola, Leire Apellaniz, Isabel Herguera, Bego Vicario, Izibene Oñederra, Ana Murugarren, Marina Lameiro, Arantza Santesteban, Maddi Barber,…eta abar.
