Metrokoadroka kolektiboko Oier Guillan eta Javi Barandiaranek Miss Karaoke antzezlanaren sormen prozesuaren inguruan ardaztutako Tartean dauden gorputzak izenburuko ikastaro trinkoa zuzenduko dute martxoaren 2an, 3an eta 4an Oreretako Niessen Kulturgunean.
Ikastaroan irudi fisiko-poetikoen sorkuntza landuko dute, material autobiografikoetan eta testu pertsonaletatik abiatuta. Horretarako performanceko, idazketa kolektiboko eta poesia bisualeko elementuak erabiliko dituzte. Trebakuntza saioaren xedea aktore-sortzailearen bitartekoak deskubritzea eta garatzea da.
Hala, Tartean dauden gorputzak ikastaroan, hainbat elementu jarriko dituzte aurrez aurre, binaka, bi elementuon artean sortzen den espazioa jorratzeko asmoz : “Gorputzaren eta pentsamenduaren artekoa; zehaztuaren eta zehaztugabetasunaren artekoa; profesionaltasunaren eta amateurismoaren artekoa; kalitatearen eta probokazioaren artekoa; eszenaren eta ikus-entzuleen artekoa; aktorearen eta pertsonaiaren artekoa…”.
Ikastaroa da Niessen Kulturguneako entsegu gelan. Izena emateko, bidali mezua: miren@dejabu.org.
