Gaur, otsailak 27, El Gallo de Oro argitaletxeak Blas de Oteroren bizitza eta poesia bilduko dituen La Rebelión del Ángel izeneko liburua aurkeztuko du, 19: 00etan, Bilboko Bidebarrietako Liburutegian. Lana XX. mendeko poeta garrantzitsuenetako baten biografia ilustratua da. Lan berriak argia ikusi du Pablo Gallo marrazkilariaren eta José Fernández de la Sota poetaren lanari esker.
Blas de Otero XX. mendearen bigarren erdialdeko poetarik garrantzitsuenetako bat izan zen. Gerraosteko espainiar poesia berritu eta diktadura frankistaren aurkako borroka kulturala gorpuztu zuen. “Blas de Oterok idatzi eta idatzi egiten zuen. Ni-tik gu-ra joan eta gehienengana iritsi nahi izan zuen, hau da, poesia gizarte osora eraman nahi izan zuen”.
Lan berriak, lehen pertsonan, bertsoen, adierazpenen eta memoria idatziaren bidez, egun batean bere bertso guztiak erre eta kalera idazten hitz egitera jaitsi zen poeta baten bizi-ibilbide zaila zeharkatzen du. Espainiako zelaiak, Parisko kaleak, Sobietar Batasuna, Txina eta Kuba izango dira iraultzen, gerren, diktaduren eta abarren arteko bakearen bila dabilen nahaspila honen eszenatokiak. Eta buruko gaixotasunaren enbatak.
Aurkezpenean honako hauek hartuko dute parte: Bilboko Udaleko Kultura Zinegotzi Gonzalo Olabarria, Blas de Otero Fundazioaren zuzendari Jose Fernández de la Sota, Beñat Arginzoniz (El Gallo de Oro), eta Pablo Gallo ilustratzailea.
