Urtarriletik martxora bitarte egingo dituen zazpi kontzerturekin amaituko du Izaki Gardenak bandak 2015ean plazaratutako Aurri gara lanaren bira.
Horrekin batera, taldeak bi kantu berri plazaratu ditu formatu digitalean: Oinak lurrean eta Benito Lertxundiren moldaketa Bihotz.
Urtarrilean egingo dituzten kontzertuak hauexek izango dira: ostegunean, Bilboko Kafe Antzokian; larunbatean, Donostiako Le Bukowski Klubean, eta 21ean, Mutrikuko gaztetxean.
Gainerako datak hauek dira: martxoaren 4an, Andoaingo gaztetxean; 10ean, Oiartzungo Pagoa aretoan; 11n, Ondarroako Portuko Ranpin, eta 17an, Gasteizko Jimmy Jazz aretoan.
Taldea hauexek osatzen dute egun: Jon Basaguren (ahotsa eta gitarra), Dani Arrizabalaga (gitarra), Danilo Foronda (baxua), Fede Egiluz (bateria) eta Libe Garcia de Kortazar (teklatuak).
Informazio gehiago: izakigardenak.com.