Ipar Eszena Bidea programa irailaren 13tik urriaren 27ra egingo da Galizia, Asturias, Kantabria, eta Euskal Herriko hainbat herritan. Eskualde horietan garatzen den arte eszenikoak trukatzeko programa da Ipar Eszena Bidea, eta aurten egoitza, agertoki, funtzio, jarduera eta lankidetza gehiago eskainiko ditu.
Antzerki, zirku, eta dantzaren 15 konpainia arituko dira, eta makina bat ikuskizun eskainiko dituzte Konstelazioak Zikloa osatzen duten 60 egoitza baino gehiagotan.
Halaber, lurralde guztietako programazioa handituko da, egoitza gehiago egingo dira eta eszenatokiak estreinatuko dira Iruñean, Fozen edo Zumaian. Gainera Euskal Herrian programazio ofizialetik kanpoko funtzioak izango dira, Bidezidorrak programa sendotuko da, eta haurrentzako eta familientzako ikuskizunak ere antolatuko dira.
Programazioa haur zein helduentzat da, tartean, testu-antzerkiaren ekoizpenak, zirku berria, dantza eta mugimenduaren arteak, sorkuntza garaikidea, ikuskizun didaktikoak eta site-specific esperientziak izango dira.
Santiago eta Iruñea artean eskainiko da programazioa, Lugo, Oviedo, Gijon, Santander, Potes, Bilbo, Gasteiz edo Vianako agertoki eta gune berezietan, besteak beste.
Informazio guztia Ipar Eszena Bidea programak dauka.
