Margaret Watkins argazkilari bikainaren 150 argazkiz eta dokumentu pertsonalez osatutako Black Light izeneko atzera-begirakoa eratu da Donostiako Tabakalerako Kutxa Kultur Artegunean.
Atzera-begirako hau aretoan aurkeztu da lehen aldiz munduan, eta argazkilariaren ibilbidean garrantzizkoak izandako kapituluak biltzen ditu.
“Aitzindaria izan zen, eta bere ibilbide profesionala modu guztiz independentean eraman zuen; beste emakume batzuentzako bidea marraztu zuen, bere urratsei jarraitzeko aukera izan zezaten. Erakusketa hau, eta harekin batera osatutako katalogoa, Watkinsen ikusgaitasuna eta Argazkilaritzaren Historian kokaleku justua emateko modu bat da, hura osatzen lagundu baitzuen, inolako zalantzarik gabe.”
Erakusketa bost etapatan egituratu da, eta artista markatu zuten modu honetan: Obra baten sorrera, 1908-1915; Erretratuak; New York, 1915-1928; Europa, 1928-1969; eta Fotomuntaketak, 1930-1937.
Margaret Watkins. Black Light erakusketa Kutxa Kultur Artegunea aretoan egongo da zabalik, martxoaren 5etik maiatzaren 30era arte.
