Tartean Teatroa euskal konpainia ezagunarekin batera ekoiztu da Non dira haurrak? obra, eta Jokin Oregik idatzi eta zuzendu du. Lana irailaren 28an eta 29an estreinatuko da euskaraz, eta urriaren 4an, 5ean eta 6an gaztelaniaz, Bilboko Kale Nagusiko antzokian. Diogun moduan, Jokin Oregik idatzi du gertaera latz batekin (8 urteko neskato baten suizidio saiakera) hasten den lana.
Piezako aktoreak Iraia Elías (euskaraz), Sandra Ferrús (gaztelaniaz), Getari Etxegarai, Javier Barandiaran, Iñigo Aranburu, Ruth Guimerà eta Irene Zarrabeitia izango dira. Antzezpen honetarako BBK Sala aldatu egingo dute, eta bere edukiera (110 pertsona) funtzio bakoitzeko mugatuko da. Gainera, besaulki-patioko zati bat eszenatokiak ere hartuko du.
Musika beste atal nagusi bat izango da, eta Adrián García de los Ojosen jatorrizko musika entzun ahalko da. Bilboko Koral Elkarteko haur abesbatzak pieza hornituko du, eta “bere ahotsekin babestuko du kontakizunaren gainetik doan baina eszenan ikusten ez dugun haurren presentzia”.
Miren Agur Meabe idazle eta poetak propio sortutako letrekin osatu dira hainbat kanta.
Lan horrek gizarte “hautsi, krudel eta depresiboa” erradiografiatzen du, haurren osasun mentalaren egungo problematikatik abiatuta.
