Gasteizko Hala Bedi irratiak kontzertua antolatu du larunbat honetarako. Handik testu hau bidali digute:
"Nork esan du Gasteizen ez dela kontzerturik erakargarririk egiten? Gezurra! Azken aldian musikazaleok Patxi Lopezek baino agenda estuagoa daukagu-eta! Izan ere, gure inguruko kontzertu antolatzaileek eraiki dizkiguten programekin abasto eman ezinik gabiltza batera eta bestera, zein baino zein talde interesgarriagoak entzun eta entzun.
Baina, ba al dago entzuleriarik guztietara joateko?
Dudarik ez badagoela; bestela, ikusi berehala izango den Azkena Rock Festibala, zeinetan, kanpotarrak asko izanagatik, bertakoak ere ugari izaten garen.
Honek guztiak, baina, badu bere ifrentzua: Gasteizko entzuleriak ezagutzen al ditu bertako taldeak? Ba al daki zenbat talde ari diren astero ensaiatu eta ensaiatu, gero koadrillakoen aurrean jotzeko?
Azken galdera hauek kezka eraginda hasi ginen orain 3 urte aurkeztera gatozen jaialdi hau egiten, eta galderak erantzun ez baditugu ere ekinean jarraitzen dugu.
Aurtengorako ekainaren 19a aukeratu dugu Gasteizko Gaztetxea gasteizko hotsez betetzeko. Gasteizko 5 talde, gehientsuenak asko jota 2 urte daramatzatenak lokalean biltzen euren onena guri eskaintzeko prest
Hona hemen taldeak eta zein ordutan joko duten:
18:00etan, Degenerados (Punk Rock-a Arabar Errioxatik)
19:15etan, Mairu (Pop Rock Gasteiztik)
20:30ean, Turboneskak (Rock'n Roll-a Gasteiztik)
21:45etan, More Too (Metala Gasteiztik)
23:00etan, RSV (Hip Hop-a Gasteiztik)
Eta, gainera, hau guztia bukatzen denean, etxeko DJrik onenek jaia gorputzak ahal duenera arte luzatzen lagunduko digute."
Hala Bedik bidalita
