Azkoitiko Matadero Ekintzak-ek Bebarruko Jardunek programaren edizio berri bat ondu du, zeinak musika, zinea eta tailerrak biltzen dituen. Egitaraua gaur bertan hasiko da Alemaniako Shelter taldearen kontzertuarekin, 21:30etik aurrera, Matadeixen.
Ken Vandermark (saxoa), Nate Wooley (tronpeta), Steve Heather (bateria) eta Jasper Stadhouders (gitarra eta baxua) musikariek osatzen dute Shelter jazz garaikideko laukotea. Ibilbide luzeko musikariak dira; oraintsu, bederatzi doinu biltzen dituen lan homonimoa argitaratu dute, Vandermark saxo-jotzaileak ekoitzia eta Audiographic Records diskoetxeak plazaratua.
Programazioaren baitan, beste lau kontzertu izango dira: martxoaren 31n, Luma eta Octuvre; apirilaren 9an, Muskulo; 22an, Cesped de Verdad eta Cosmeticos; eta, azkenik, 27an, Daniel Ardura eta Ibon RG.
Zinearen harira, zinekluba ondu dute, eta LENTE argazkigintzari buruzkoa, hain zuzen: martxoaren 29an, Finding Vivian Mayer; apirilaren 5ean, Bill Cunningham New York; 12an, PEcker; 19am, Mapplethorpe: Look at the picture; 26an, The Salt of the Earth; eta, azkenik, maiatzaren 3an, The Frogotten Space.
Horri lotuta, tailerra ere izango da, apirilaren 8an, Colodión Húmedo: 1815 urtean sortutako argazkigintza teknikari buruzkoa, Jose Antonio Martin Pegote-k zuzendua.
