Atzo jokatu zen Bertsolari Gazteen BBK Sariketako finala, Lea Artibai eta Durangaldea taldeen artean. Puntu gehien lortu dituen taldea, eta beraz, XXX. sariketa irabazi duena Durangaldea izan da.
Hauexek izan dira kantatu duten bertsolari gazteak: Lea Artibai taldean, Amaiur Galdos, Ariane Sololuze, Ziara Larrinaga, Bittor Altube, Enare Muniategi eta Garazi Navarro, eta Durangaldea taldean, Maddi Aurtenetxe, Kelmene Abaitua, Ixone Asategi, Araitz Katarain, Ander Elorriaga eta Irune Basagoiti.
Banatu den beste sari bat kantaera onenaren saria izan da, eta hori, Durangaldeko Ander Elorriagak jaso du.
Aurten, sariketak 30 urte bete ditu, eta hori ospatzeko jaia ere egin zen BBK Salan. Sariketa amaitzearekin batera, Ibon Izak (Arratia) sariketaren errepasoa egin du bertso jarrietan. Ostean argazki zaharren emanaldia eta brindisa egin da, Etxahun Lekue (Uribe Butroe) eta Onintza Enbeita (Busturialdea) balkoitik balkoira bertsotan ibili diren bitartean. Gero, mokadutxoa jateko eta sariketaren ibilbidea komentatzeko tartea hartu ostean, bertso saioa egin dute Nerea Ibarzabal (Lea-Artibai), Igor Elortza (Durangaldea), Oihana Bartra (Hego Uribe) eta Asier Alcedo (Enkarterri-Ezkerraldea-Meatzaldea), eta Jone Uriak (Uribe Kosta). Gai-jartzaile lanetan Igor Menika eta Idoia Anzorandia ibili dira.
Zorionak txapeldunei, bai eta beste guztiei ere.
