Apirilean, bost pelikula interesgarri proiektatuko dira Kultur Leioan, Perseo Zineforumaren baitan. Bada, apirilaren 1ean, Richard Curtis zuzendari ingelesaren About Time (2013) filma proiektatuko da; Publikoaren saria jaso zuen 2013ko Donostiako Zinemaldian.
Denboran bidaiatu dezakeen 21 urteko Tim Lake gaztearen istorioa kontatzen du film horrek. Antza, familiako gizon guztiek dohain hori izan dute, betidanik; orainetik iraganera bidaiatzeko gaitasuna, atzera eta aurrera, “zuzen dagoena” egin arte. Curtisen filmografia luzea da, esaterako, Love Actually zuzendu zuen, bai eta Four Weddings and a Funeral eta Notting Hill arrakastatsuak idatzi eta ekoitzi.
Honatx Perseo Zineforumaren baitan pantailaratuko diren gainerako filmak: 8an, Prisioners (Jóhann Jóhannsson, 2013, AEB), thriller bikaina; 15ean, Like Father, Like Son (Hirokazu Koreeda, 2013, Japonia), Cannesen eta Donostiak saritutako filma; 22an, Alabama Monroe (Felix Van Groeningen, 2012, Belgika), eta, amaitzeko, 29an, El hombre de al lado (Mariano Cohn, 2009, Argentina).
