Gregario de Luxe izeneko talde nafarra 2003ko irailean eratu zen, baina 2005eko maiatza arte ez zuen soul-blues-funkera jauzia egin, gaur egun duen formazioarekin. Ordutik hona, eta hamabi musikari ez-profesional mugitzea erraza ez den arren, lorpen esanguratsuak erdietsi ditu, tartean, 2008 eta 2009ko Heineken Jazzaldian parte hartu zuten hautaketa prozesua gainditu ondoren.
Zortzi musika-tresna eta lau koristako oinarri musikala, Blues Brothers estetika eta taula gaineko dibertimendua uztartuta, Gregario de Luxe taldeak John Belushik Dan Aykroyd-ekin edota Commitments taldeak urratutako bideari eman dio segida: soul eta rythm & blues himnoen soinuaren indarra betikotzea.
Iruñekoen eskutik zuzenean entzun daitezke oraindik ere Aretha Franklinen Think edo Respect, Otis Reddingen Try a Little Tenderness Sam & Daven Soul Man eta beste hainbat klasiko.
Heineken Jazzaldiak bidalita