Atzo Igorreko Lasarte aretoan XXII. Bertsolari gazteen BBK sariketaren azkeneko finalaurrekoa jokatu zen Arratiako eta Busturialdeko taldeen artean. Irabazlea Arratiako taldea izan da, eta beraz, martxoaren 28an Bilbon jokatuko den finalera sailkatu da, eta finala erabakita geratu da.
Hala, martxoaren 28an, ostirala, Lea-Artibai eta Arratia taldeek buru-burukoa egingo dute Bilboko Kafe Antzokian, 19:00etan.
Atzokoan, Aitor Asua, Lur Ziarrusta, Jon Larrabide, Lurdes Ondaro, Beñat Bilbao, Eneko Aldana, Malen Amenabar, Irati Astondoa, Illart Gumuzio, Koldo Muñiz, Asier Galarza eta Koldo Gezuraga aritu ziren kantuan.
Etorkizuneko bertsolariak, aupa!
