Bizkaiko Foru Liburutegian literatura lantzen da hainbat eratan: hitzaldiak, jardunaldiak, topaketak, eta abar. Tartean, urtero antolatzen dira euskarazko literatura aztertzen eta lantzen duten taldeak.
Julen Gabiria idazlea izaten da irakurle talde honen gidaria, eta betiko lez, euskarazko literatura lanak irakurri eta aztertuko dituzte elkarrekin, irailaren 1etik abenduaren 29ra, hamabost egunero. Horretarako bi talde eratuko dira asteazkenetan ala ostegunetan, 18:00etatik 20:00etara
Izena emateko epea laster zabalduko da, uztailaren 1etik abuztuaren 31ra, eta gehienez 20 pertsona onartuko dira talde bakoitzean.
Interesa izanez gero, eman izena, eta euskaraz irakurri eta gozatu!
