Bizkaiko Bertsolari Txapelketako azken finalaurrekoa abenduaren 4an izango da Larrabetzuko frontoian, 17:00etatik aurrera.
Bertan honakoak bilduko dira: Ander Elortegi Garatea (Gernika-Lumo), Eneko Abasolo Txabarri “Abarkas” (Iurreta), Jone Uria Albizuri (Algorta), Julen Arzanegi Erezuma (Gernika-Lumo), Nerea Ibarzabal Salegi (Markina-Xemein) eta Txaber Altube Sarrionandia (Abadiño).
Saioaren irabazlea zuzenean sailkatuko da finalera, eta besteek puntuazioaren arabera edukiko dute horretarako aukera.
Horren ostean tarte bat hartuko dute finalista guztiek, eta gero, abenduaren 18an finala izango da Bilboko Bilbao Arenan.
