Bizkaiko Bertsolari Txapelketako bigarren kanporaketa Gautegiz-Arteagako frontoian jokatuko da igandean, eta bertan sei bertsolarik parte hartuko dute: Aitor Arrutia, Inazio Vidal, Itxaso Paia, Josu Landeta, Lander Ibarluzea eta Oihana Bartra. Bizkaiko Bertsolari Txapelketan bost kanporaketa, hiru finalaurreko eta finala jokatuko dira.
Saioko irabazlea zuzenean sailkatuko da finalaurrekoetara, eta besteak, puntuazioen arabera edukiko dute horretarako aukera.
Sei bertsolariak sailkatu dira udaberriko eskualdeetako txapelketetatik. Aitor Arrutia Enkarterri/Ezkerraldea eskualdeko txapelduna da, eta Oihana Bartra Hego Uribekoa. Beste laurak puntuazioz sartu dira Bizkaiko Txapelketara.
#Josi Bizkaiko Bertsolari Txapelketako hurrengo saioa eta 3. Kanporaketa izango dena, Mungian jokatuko da urriaren 25an, zapatua, 17:30ean.
