Gaur eta bihar, diseinuaren inguruko PapelyPixel jardunaldiak egingo dira, Bilboko Emilio Campuzano BHIn; jardunaldiak EINA Bartzelonako diseinu eta arteko zentro unibertsitarioarekin lankidetzan egin dituzte.
Bada, jardunaldi horien baitan, makina bat komunikazio egingo dira, jarraian, guztiak diseinuaren ingurukoak. Hala, gaur bertan, 15:00etatik aurrera hauexek arituko dira: Oriol Ventura (Diseño y modelos de producción alternativa); Jordi Perraferrer (Tradición arquitectónica); Jose Ignacio Aguirre (Smart Mobility); Lluc Massaguer eta Javier González (Protesta! Grafismo en manifestaciones sociales espontáneas); Pau Llop eta Julen Azpitarte Pop Pilulak fanzinea (Cultura Pop); Sergio de la Casa (My UXPain – Cosas que aprendí sobre UX con dolor); Ana biscayenne (Souvenir Design) eta Ziortza Etxabe.
Hitzaldi horien ostean, mahai-ingurua izango da, eta jardunaldia amaitzeko, pintxada bat izango da Ambigú tabernan Carles Baldes Vallsek eskutik, zeinak 60ko urteetako disko ye-ye katalanak eta euskaldunak jarriko dituen, 22:00etan; Vallsek Badok.info webgunean ere idazten du.
Egitarau osoa, larunbatekoa barne: papelypixel.com.
