Asteburu honetan, urtarrilaren 31tik otsailaren 2ra arte, Zona Especial Norte jaialdiaren bigarren edizioa izango da Deustun. Kontzertuak asko izango dira, eta Luzarra eta Ramon y Cajal kaleetako taberna eta lokaletan egingo dira. Resoplamo´s Produzzionek antolatu du jaialdia.
Hala, ostiralean, La Hora Del Primate, Inazio Escudero eta Vivapellejos taldeek joko dute Deustuko Gazte Lokalean, 20:00etatik aurrera.
Larunbatean, halaber, Trenaxpean (Arangoitiko igogailurako bidean) Bugatti eta Tony Metralla y Los Antibalas taldeek joko dute, eguerdian.
Arratsaldeko 16:00etatik aurrera hainbat emanaldi izango dira: Los Calavera (Izeki taberna); The Tripolares of Madariaga (La Logia taberna); Lorelei Green eta El Trobador de la Ribera (Müllerrenea Kultur Gunea); Vietato Pensare (Noiz Taberna).
Gau partean, 21:30ean, Rat-Zinger bandak Deustuko Gazte Lokalean joko du, eta Albertokadiskos Atxuri tabernan izango da, 24:00etan.
Igandean ere izango da zer ikusi eta zer entzun: Naste Borraste (Elizaren Aldean, 13:00etan); Tenderete Antzerki Taldea (Herriko Tabernan, 14:30ean); Joseki (Baiona tabernan, 16:00etan); Long John (Toki Berri taberna, 17:00etan); eta, amaitzeko, 18:00 Giorgio & Luiggi (Atxuri taberna, 18:00etan).
(argazkia: David Herranz)
