Ostiralean, otsailak 7, Edward Albeeren pieza motz batean oinarritutako La historia del Zoo obra antzeztuko du Teatro Gorki konpainia Donostiako Guardetxean, 20:00etan.
Ordubete inguru irauten duen obra Durenka de Lunak zuzendu du, eta Max Bereterbide eta Gerardo Suarez antzeztu.
Guardetxeak jakinarazi duenez, ezustez beteriko antzezlana da, ikusle hasieratik harrapatzeko gaitasuna duena: “ikuslea bere berezko zalantzen protagonista izatera bultzatzen duena; umore, ironia, beldur, segurtasun eza,?mesfidantza eta abarretik pasarazten duena”.
Akto bakarreko obran, Peter eta Jerryren arteko topaketa kasuala kontatzen du, New York hiriko Central Parken: Central Park erdian dago bazterturik Peter, banku batean eserita, liburua eskuan duela; baina, bat-batean, pertsona batek abordatuko du, eta bere?irakurketa moztuko dio…
