Komiki-lehiaketa KREAk diziplina artistiko horren inguruan bultzatzen duen hezkuntza-programaren muina da. Hala ere, ez da bakarra. Lehiaketarekin batera, sormen-zentroak hainbat ekimen garatu ditu; horiek guztiak sormen artistikoa sustatzeko xedearekin, hala nola Komikiaren gida, komikiaren eta poesiaren arteko loturari buruzko erakusketa edo tailerraren antolaketa.
Hirugarren urtez jarraian, KREAk Komikiaren gida argitaratu du, istorio marrazkilari ospetsuek egindako eskuliburu txikia. Hizkuntza argi eta arruntarekin, komikia gazteei hurbildu nahi die, diziplina horretako sormen artistikoak nola hobe ditzaketen azalduz.
Mauro Entrialgo eta Abarrotsek marraztu ondoren, KREAk aurten Joaquín Reyes komiko eta ilustratzailearen lankidetza jaso du.
Gida hiru hizkuntzatan argitaratuko da -euskara, gaztelania eta ingelesa- eta 10.000 ale baino gehiago ikastetxeetan, liburutegietan, elkarteetan eta nazioarteko kultur etxeetan banatuko dira. Era berean, KREA Adierazpen Garaikidearen web orrialdean bertsio digitala eskuragarri egongo da eta aurreko urteetako bi gidekin batera erakusgai egongo da Araba Aretoan.
KREA Adierazpen Garaikideak antolatutako ikastetxe arteko 27. komiki lehiaketak, dagoeneko baditu irabazleak.
Olatzagutiako Iñigo Aritza ikastolako ikaslea den Markel Galbete Kurrin txerriaren bizitza lanaren egilea izan da haurren bakarkako modalitateko irabazlea eta Shukare Otero, Koldo Mitxelena institutuko ikaslea, gazteen modalitateko irabazlea izan da Glu lanarekin.
Kreak bidalita
