Martxoaren 8an, Emakumeen Nazioarteko Egunean, Bilboko Udal Musika Eskolak kontzertu berezia antolatu du emakumeek musikaren esparruan izan duten protagonismoa ikusarazi eta berreskuratzeko, “klasizismotik hasi gaur egunera arte”. Kontzertuaren helburua historian zehar ibilbide labur bat egitea da, emakumeek musikaren esparruan duten protagonismoa berreskuratzeko eta emakume horiek datozen belaunaldiei utzitako ondarea balioesteko.
Emakume Musikagileak izenburupean, Bilbao Musika Eskolako ikasle eta irakasleek Maria Theresia von Paradis, Elisabetta De Gambarini, Louise Farrenc, Fanny Mendelssohn, Clara W. Schumann, Cécile Chaminade Mel. Bonis, Nadia Boulanger, Amy Beach, Florence Price, Helen Butterworth, Enya, Monica Aslund, Shania Twain edo Junkal Guerrero musikagileen obrak interpretatuko dituzte, besteak beste.
“Historikoki, musikan, beste diziplina batzuetan bezala, emakumeak ia ez ziren agertzen edo ez ziren existitzen, gizonezkoek osatutako musika jo, dantzatu, abestu edo interpretatzen zutenak izan ezik. Hala ere, hainbat emakumek aspalditik utzi dute beren presentziaren testigantza. Emakumeak oztopo handiak gainditu behar izan ditu Antzinarotik nagusi diren genero-desberdintasunek markatuta, eta musikaren artearen barruan moldatzen joan da, zailtasun handiekin, batez ere konpositore gisa, baina baita instrumentu mota guztien jotzaile, orkestra-zuzendari edo musika-irakasle gisa ere.”
Hitzordua martxoaren 10ean izango da, La Galerako Entzunaretoan, 19:00etan hasita.
