Euskadiko Gazteriaren Kontseiluak 18 eta 30 urte bitarteko gazteei zuzendutako BAKE&ARTE tailerrak antolatu ditu egun hauetan. Ekimenaren helburua arteak Giza Eskubideen defentsan eta bake kulturaren eraikuntzan duen garrantzia nabarmentzea da.
Gaur berton, Leioako UPV/EHU-ko Arte Ederretako Fakultatean hasiko diren saio hauetan, dinamika ezberdinak garatuko dira, gazteek iraganarekin, orainarekin eta etorkizunarekin lotutako ikuspuntuak, esperientziak eta sentimenduak islatzeko aukera egon dadin.
Horretarako, hainbat diziplina artistikoz baliatuko dira han bilduko direnak (literatura, antzerkia, musika, argazkilaritza…).
Azkenik, sortutako edukiak, esperantzak era artistikoan idatzi eta adierazteko sortu zen komunitate birtual honetan igoko dira.
Diogun bezala, gaur ateak zabalduko dira Leioan; ostegunean Donostia 2016ko egoitzan izango da hitzordua, eta ostiralean, Gasteizko Gero Arte Kultur Elkartean.
Informazioa hemen eskuratu ahal duzue.
