Gaur abiatuko dira Zarautzen Kalerki antzerki topaketak. Larunbata bitartean hainbat talderen ikusgarriekin aukera galanta egongo da kostaldeko herrian.
Alproja taldeak zabalduko du ekimena Lege Zaharren enparantzan, 18:00etan, Eta zoriontsu izan ziren izeneko obrarekin. Ordubete beranduago, Organik taldeak Carneros egingo du toki berean. Hortik irten barik, 19:30ean, Deabru Beltzak Drumbreak lana egingo du. Gauean, 21:00etan, Ameztu Produkzioak Anplag anatzetuko du Zigordia kalean.
Hurrengo egunean, uztailak 12, Kataluniako Xip-Xap Teatrek Rum-Rum Trasto-Karts izeneko obra eramango du Malekoiaraino. Pixka bat beranduago, Trapu Zaharrak taldeak Gezurtiak izenburuko lana antzeztuko du Lege Zaharren enparantzan. Eta azkenik, Andaluziatik etorritako Vaiven Circo-k Do Not Disturb obra egingo du Zarautzeko Munoan.
Azken egunean, uztailak 13 Pez Limbo taldeak Lana izeneko obra taularatuko du Lege Zaharren enparantzan, 19:00etan. Nacho Vilar Producciones Typical lanarekin, 20:30ean, Zigordia kalean izango da.
Eta azkenik, Kalerki antzerki topaketak itxiko dituen taldea Hortzmuga Teatro izango da Ni han izan nintzen eta … ez zuten nik ikusitakoa kontatu izen luzeko lanarekin, 23:00etan egingo du Munoan.
Informazio gehiago behar izanez gero, egin hemen klik.
