Gaur, Basauriko Social Antzokian, Los Coronas, Freedonia eta The Weapons taldeek joko dute, maiatzean egingo den MAZ jaialdiaren aurkezpen gisara. Ekitaldia 21:00etan hasiko da, eta kontzertuen ostean, Dino Velvet disko-jartzailea arituko da.
MAZ jaialdiaren harira, maiatzeko hiru asteburutan bananduko da, hilak 16, 23 eta 29, eta askotariko artistak bilduko ditu, tartean, Burning eta The Excitements; Ruper Ordorika eta Audience; eta Mick Farris eta Julian Maeso.
Gaurko aurkezpen kontzertuko eskaintza ere anitza da. Hala, Los Coronas madrildarrek latindar kutsuko rock-and-roll instrumentala joko dute, hain justu, Adiós Sancho diskoa aurkezteko abiatutako biraren azken kontzertuetako bat izango da.
Freedonia banda ere Espainiako hiriburutik dator, baina soul eta rhythm & blues estiloak jorratzen dituen hamar laguneko talde dantzagarria da. Azkenik, The Weapons Bilbo inguruetako eskarmentudun musikariek abiatutako psychobilly egitasmoa berria da.
Informazio gehiago: mazbasauri.com.
