Urtarrilaren 26an, ostegunean, Cesar Coca kultur kazetariak eta Ibon Zubiaur idazle eta itzultzaileak Literatura y Censura izeneko topaketan hartuko dute parte. Bilboko Udaleko Bidebarrieta Kulturgunean izango da hitzordua, 19:00etan, bertako Areto Nagusian.
Hitzaldi honi buruz diote “literaturak ez duela mundua aldatzen, baina pentsamoldeak aldatzen laguntzen duela. Horregatik, sistema totalitarioek argitaratzen den guztia gaitzesten dute. Sistemak asko dira, eta kasu guztietan idazleek kalteak saihesten edo gutxitzen dituzten formulak aurkitu behar izaten dituzte”. AEDko zentsuraren esperientziatik abiatuta, hiru aldeetatik azalduko da fenomenoa: idazlea eta irakurlea.
Cesar Coca Kazetaritzako doktorea eta Informazio Zientzietan eta Politika Zientzietan eta Soziologian lizentziatua da. Dozena bat libururen egile da eta Miguel de Unamuno saria irabazi zuen 2006an. Kazetaritzako irakaslea da EHU-n, bai eta bertako Kazetaritza Masterrean ere.
Ibon Zubiaurrek Psikologia ikasi zuen eta Cernudaren poesiari buruzko tesi batekin doktoratu zen. Ondoren, Alemaniara joan zen, eta han, Tubingako Unibertsitatean, Espainiako Literaturako eskolak eman zituen (2002-2008), eta Municheko Cervantes Institutua zuzendu zuen (2008-2013). Hainbat saiakera eta artikulu egin ditu, eta W. B. Yeats, Shakespeare, Wieland, Stifter, Rilke, Ludwig Hohl eta garai bateko AEDren (Brigitte Reimann eta Irmtraud Morgner) idazleen itzulpenak ere bai.
