Institut français-ek eta BilbaoArte-k Frantzia garaikideko zinegileak zikloa antolatu dute lankidetzan, gaurtik azaroaren 26ra bitarte. Emanaldiak Bilboko arte-zentro horretan egingo dira, 19:00etan.
Hala, gaur bertan, Anne Villacèque zuzendariaren Week-Ends (2014) filma pantailaratuko da: Bi bikote haien landako etxeetan biltzen dira, astebururo, Normandian. Haien arteko adiskidetasun-harremana baina, hautsi egingo da, Jean-ek Cjristine uzterakoan.
Azaroaren 26ra arte aurkeztuko diren gainerako film frantses eta garaikideak hauexek izango dira: urriak 22, Augustine (Alice Winocour, 2012); urriak 29, Suzanne (Katell Quillévéré, 2013); azaroak 5, La vie domestique (Isabelle Czajka, 2013); azaroak 12, Lulu femme nue (Sólveig Anspach, 2013); azaroak 19, Valérie Mrejen zinegilearen lanak; eta, amaitzeko, Grand Central (Rebecca Zlotowski, 2013).
Informazio gehiago: bilbaoarte.org.
