Abenduaren 5etik 8ra, Durangoko Azokako ikus-entzunezko gune Irudieneatik abiatuko da Kameratoia film laburren rally-aren hamaikagarren edizioa, Euskaltzaleen Topaguneak ondua.
Antolatzaileen arabera, “berriz ere irudimena eta sormena erakusteko aukera zabaldu gura diegu gazteei, haien freskura eta bizitasuna maite ditugulako”.
Aurten, parte-hartzaileek 50 ordu izango dituzte lanak filmatzeko, eta saridunen artean 3.600 euro banatuko dira.
“Abenduaren 7an 14:00ak baino lehen entregatu beharko dituzte parte hartzaileek bideoak, eta abenduaren 8an sari banaketa gala ospatuko da Durangoko Azokako Irudienea ikus-entzunezkoen plazan”.
Informazio gehiago: kameratoia.com.
