Xiberua, Lapurdi eta Baxenabarre zeharkatu eta gero (Domintxaine, Ainhoa, Ligi, Aiherra, Muskildi, Hiriburu, Baigorri, Bardoze) Donibane Lohizunera iritsi da Xilaba Bertsolari Txapelketa.
Finalean Aitor Servier, Elixabet Etxandi, Irantzu Idoate, Maddalen Arzallus, Maddi Ane Txoperena eta Miren Artetxe bildu dira Donibane Lohizuneko Jai Alain.
Ariketa guztiak egin ostean Maddi Ane Txoperenak eta Maddalen Arzallusek lortu dute puntu gehien eta eurek kantatu dute buruz-burukoan.
Azkenean, Maddi Ane Txoperenak jantzi du txapela 1132 punturekin. Atzetik, Maddalen Arzallus, Miren Artetxe, Aitor Servier, Irantzu Idoate eta Elixabet Etxandi sailkatu dira.
Maialen Hiribarrenek jantzi dio txapela Maddi Ane Txoperenari, baita makila eman ere.
Egun ederra bertsozaleentzat!
