Bidasoako hogeita bortzgarren Bertsopaper lehiaketa antolatu dute Berako Kultur Batzordeak eta Bortzirietako Bertso Eskolak, Bortzirietako Euskara Mankomunitatearen laguntzarekin, Baztan-Bidasoa inguruan bizi direnentzat.
“Jatorrizko, argitaratu gabeko eta bertze lehiaketaren batean saritu ez diren bertsoak onartuko dira bakarrik eta norberak aukeratuko du gaia, doinua eta neurria”
Parte-hartzaileak 4 mailatan banatuko dira: A maila (12 urte artekoak), B maila (12 urtetik 16 urte arteko gazteak), C maila (16 urtetik 18 urte arteko gazteak) eta D maila (18 urtetik gora). Saririk potoloenak 150 euro dakartza.
Bertsoak maiatzaren 25a baino lehen bidali beharko dira helbide honetara: Berako Kultur etxea, Baztan-Bidasoako XXV. Bertsopaper Lehiaketa, Eztegara pasealekua 11, 31780 Bera.
Sariak Berako Kultur Etxean ekainaren 1ean banatuko dira.
