Gaur berton, hilak 8, hasiko da Udabarria Bertsotan, Bizkaiko Bertsolari Txapelketako sailkapen fasea, Bakion eta Munitibarren jokatuko diren lehen bi saioekin.
Munitibarko saioan sei bertsolari hauek ariko dira kantuan: Ander Elorriaga Aresti, Asier Galarza Garai, Beñat Bilbao Landa, Illart Gumuzio Larrazabal, June Diaz Franco eta Maite Sarasola Isazelaia. Gai-jartzaile lanetan Leire Garatxena Larrabe ibiliko da.
Bakioko saioan sei bertsolari hauek egongo dira: Alexander Idoeta Anakabe, Asier Alcedo Cano, Imanol Uria Albizuri, Ion Barrocal Besga, Jone Larrinaga Dañobeitia eta Julen Ibarguengoitia Ordorika. Gai-jartzailea Jon Amezaga Fernandez izango da.
Datorren asteko eguenean, hilak 15, Balmasedan eta Orozkon izango dira saioak.
