Amets Arzallusek irabazi du Gernika-Lumon egindako lehenengo finalaurrekoa, eta bigarren itzulirako sailkatu da. Igor Elortzak, halaber, Tolosan jokatutako bigarren finalaurrekoa irabazi du.
Hala, Arzallus azaroaren 23an Elizondon jokatuko den finalaurrekoan arituko da; Elortza, berriz, azaroaren 24an Donostian egingo den finalaurrekoan.
Amets Arzallus 717 puntu lortu ditu Gernika-Lumon. Gainerako bertsolarien sailkapena honela gelditu da: Jokin Uranga, 657,5; Jone Uria, 653; Jon Martin, 640,5; Julio Soto, 639,5; eta, azkenik, Nerea Elustondo, 633,5.
Tolosan egindako bigarren finalaurrekoari dagokionez, Igor Elortza izan da garaile 722 puntu lortuta, Durangarraren atzetik: Iñigo Mantzizidor Mantxi 667,5; Unai Iturriaga, 649; Etxahun Lekue, 649; Jexux Mari Irazu, 638,5; eta, azkenik, Amaia Agirre 638.
Hurrengo asteburuan lehenengo itzuliko azken bi finalaurrekoak jokatuko dira Oiartzun eta Murgian. Hortaz, Txapelketa Nagusiko finala gero eta gertuago da!
