Emakumeak buru dituzten musika-proposamenak entzungai izango dira Emakumeak Aurrera jaialdiaren barruan, bihar, irailaren 4an, 19:00etatik aurrera. Jaialdia egungo musika-panoraman arrakasta handia izaten ari diren emakumeen musika proiektuak ikusarazteko helburuz sortu da.
Doako lau kontzertuen protagonistak honako emakumeak izango dira: Rigoberta Bandini, Julia de Castro, Ede eta Cintia Lund, eta horiez gain, Raxku DJ-ak musika jarriko du kontzertuen artean eta amaieran.
Kontzertuetan musika estilo ezberdinez gozatzeko aukera izango da. Hala, Rigoberta Bandiniren musika elektroniko pertsonala agertoki alternatiboen musika-fenomenoa izan da. “Bere proposamenak –euforia malenkoniatsu horrek, elektronikaren eta egile-kantaren arteko nahasketa horrek– single bakoitzarekin era masiboan konkistatu du publikoa”.
Julia de Castrok cumbia, rantxera eta flamenko doinuak darabiltza, “musika-fantasia bat”, diskurtso intelektual eta feminista oso garrantzitsuko letrez lagunduta.
Edek soul eta r&b soinuak dituzten abesti intimoak egiten ditu. Ede “samurtasuna da, karisma, sentiberatasuna, berotasuna, barru-barruko lanaren zintzotasuna, ahots baten kalitate aparta bere ñabarduretan eta ezberdintasunean”.
Eta Cintia Lunden pop-rockarekin batera nortasunez betetako diskurtso artistikoa luzatzen da beti, ahots boteretsua eta ñabarduraz betearen bidez.
Artistok dantzatzeko musika egiteaz gain, diskurtso feminista, sozial eta intimoak ere eskaintzen dituzte.
