Ekainaren 4an hasi zen Aleksandr Sokurov zinegile errusiarrari buruzko zikloa Bilbaoarten. Hil honetan beste hiru film aurkeztuko dira eta uztailaren 16an amaituko da zuzendari errusiarraren inguruko programa. Guztira zazpi film pantailaratuko dira, jatorrizko bertsioan eta gaztelaniazko azpitituluekin.
Hauexek dira orain arte Bilbaoartek aurkeztu dituen filmak: Skorbnoye beschuvstviye (1987), Dni zatmeniya (1988), Mat i Syn (1997) eta Moloch (1999).
Gaur, uztailaren 2an, Telets (2002) filma emango dute. Uztailaren 9an, Russkiy kovcheg (2002) eta, azkenik, 16an, Otets y syn (2003) dira pantailaratzeko falta direnak.
Sokurov zinegilea 1951n jaio zen, eta San Petersburgo hirian bizi den zinegile eta gidoilari prestigiotsua da. Adituen aburuz, Andréi Tarkovski zinegile errusiar entzutetsuaren ondorengoa da. Bere filmek marka bereizgarria dute, eta estetikoki maila handikoak dira.
