Rock on top jaialdiaren laugarren edizioa egingo da Gasteizeko Montehermoson. Proiekzioak 19:00etan izango dira. Lehena, The Damned: don’t you wish that we were dead (Wes Orshoki. AEB. 2015) atzo izan zen, eta beste guztiak, ekainaren 4an, 11n eta 18an antolatu dira.
Ekainaren 4an ondu den emanaldian The Story Of Dinosaur Jr. (Philipp Virus. Alemania/AEB. 2021) filma ikusteko aukera egongo da. 90eko noise-popa ez da ulertzen Dinosaur Jr.-en soinurik gabe. Dokumentalean hauek agertzen dira: Bob Mould, Henry Rollins, J Mascis, Kevin Shields, Kim Gordon, Lou Barlow, Matt Dillon, Murph, Thurston Moore.
Hurrengo saioan (ekainak 11) Javier Macipek zuzenduriko La Estrella Azul film interesgarria ikusteko aukera egongo da. “90eko hamarkada; Mauricio, espainiar rockzale ospetsua, Latinoamerikan zehar ibili zen berriro bere bokazioa aurkitzeko asmoz. Han, Don Carlos ezagutuko du, gainbeheran dagoen musikari zaharra. Bere herrialdeko folkloreko abesti ospetsuenetako batzuen egilea izan arren, ia ez du fakturak ordaintzea lortzen. Carlosek eskuzabaltasunez hartzen du bisitari arrotza, musikako Miyagi maisu lanak eginez. Bien arteko topaketatik erabateko porrot komertziala izateko itxura guztia dituen Kixote itxurako bikote bitxia sortuko da”.
Azkenik, ekainaren 18an, The Public Image Is Rotten (Tabbert Filler. AEB. 2017) filma pantailaratuko da.
