Bizkaiko Foru Aldundiko Rekalde Aretoak Laberinto erakusketa abiatu du. Bertan erakusgai dago Eguillorren ia mila piezaren sorta aparta, tartean, marrazki, komiki, ilustrazio eta bideoak. Garikoitz Fraga Angoitia komisarioa arduratu baita erakusketa osatzen duten piezen ikerketa eta hautaketa koordinatzeaz. Erakusketa irailaren 28ra arte bisitatu ahal izango da.
Juan Carlos Eguillor euskal artista nabarmenari eta bere obrari buruzko ikerketa lan sakona egiten den lehen aldia da, hortaz, Laberinto aukera paregabea da Juan Carlos Eguillorren lana ezagutzen ez zutenek orain bere talentu izugarria deskubritu ahal izateko. Erakusketan ikusgai daude marrazkiak, komikiak, kartelak, argitalpenak, artikuluak eta bideoak, artistaren ekoizpenaren panorama paregabea eskaintzen dutenak.
Eguillor “ironia eta estilo ikonoklastagatik nabarmendu zen, eta ezaguna da, besteak beste, Mari Aguirre, Miss Martiartu edo Abuelita izeneko pertsonaiengatik. Haien errepresentazioa pieza ospetsuenetan eta ezagunenetan ikus daiteke. Baina, haren lanaren alderdirik ezezagunena eta pribatuena ere erakusten da, haren obsesio pertsonalak eta munduari buruz zuen ikuspegia islatzen dituzten piezekin”.
Garikoitz Fraga Angoitiak sei urtez egindako ikerketa sakon bati esker antolatu ahal izan da erakusketa, non artistaren etapa guztiak hartzen dituzten lanak ikus daitezkeen, hala nola 70eko hamarkadan prentsan egindako lehen lankidetzetako obrak eta 80ko eta 90eko hamarkadetan animazio digitalean egindako berrikuntzak
Laberinto, zalantzarik gabe, “aukera paregabea da Juan Carlos Eguillorren lanaren konplexutasuna ezagutzeko. Artista horrek, erakusketaren izenak adierazten duen bezala, bizitzari eta arteari buruzko emozioen, oroitzapenen eta hausnarketa sakonen labirintoan zehar ibiltzera gonbidatzen du”.
Erakusketari buruzko jarduera-programa ere osatu da, eta hala, martxoaren 13an, Garikoitz Fraga komisarioarekin topaketa bat antolatu da.
