Asteon emanaldi interesgarriak izango dira Donostiako Le Bukowski eta Doka lokaletan, eta Gasteizko Jimmy Jazz eta Helldorado aretoetan.
Hala, Le Bukowski klubean lau kontzertu izango dira igandera bitarte: ostegunean, martxoak 13, Jon Plazaola eta Antiguako Txiki; ostiralean, martxoak 14, Kill! Kill! Pussycat (Suedia) eta Islas Marshall; larunbatean, martxoak 15, El Desván del Macho, Norman eta EG/MR DJ; eta, azkenik, igandean, martxoak 16, Anari eta El Fill del Mestre.
Larunbatean, halaber, Zart egitasmoaren lehen urteurrena ospatzeko kontzertua izango da Doka antzokian: Fira Fem, Anai Arrebak, Unicornibot, Joseba Irazoki eta Royal Jaleo-rekin.
Gasteizko kontzertuen harira, Triangulo del Amor Bizarro noise-rock banda galiziarrak ostiralean joko du Helldoradon; larunbatean, berriz, punk kutsuko gaua izango da, Bastards on Parade, Screamers and Sinners eta La Maravillosa Orquesta del Alcohol taldeen eskutik.
Jimmy Jazz aretoan ere beste bi kontzertu izango dira: ostiralean, Babylon Parranda Fest izango da La Raiz eta Bongo Botrako eta Calavera Collective taldeekin. Amaitzeko, larunbatean, Javier Krahe musikari espainiarrak Las diez últimas izenburuko lana aurkeztuko du.