Hil honetan, Nafarroako Filmotekak eta Baluarte Fundazioak antolatuta, film berezien zikloa atondu da. Egitaraua gaur hasiko da, uztailaren 19an, 22:15etik aurrera Robin de los bosques kultuzko filmarekin. Filmak bertsio originalean proiektatuko dira, azpitituluekin gaztelaniaz.
Nafarroako Filmotekaren webgunean irakurri dugunez, “Rooftop Cinema-ren hirugarren programazio honen erreferentzia gisa, duela 100 urte (1916) jaio ziren aktoreek protagonizatutako 3 film aukeratu ditugu tributo gisa: Olivia de Havillandi The Adventures of Robin Hood-en (M. Curtiz, W. Keighley, 1938); Glenn Fordi The Big Heat-en (F. Lang, 1953); eta Gregory Pecki To Kill a Mockingbird-en (R. Mulligan, 1962).
Diogun bezala, lehen filma gaur berton pantailaratuko da, bigarrena 21ean eta azkena, 26an.
Filmotekak egin nahi duen proposamena da zinema era ezberdin batean ikustea; Rooftop Cinema-rekin eraikinen terrazetan proiektatuko dira filmak, baldintza klimatologikoek hala bermatzen baldin badute; eta beste toki askotan bezala, udan programatzen den zinema mota hau aldarrikatzeko xedearekin.
