Bilboko Bidebarrieta Kulturguneak, Pentagrama poesia eta musika ikuskizuna jasoko du gaur berton, arratsaldeko 19:30ean.
Poetalia elkartearen ekimen honetan, Jesus Martinek zuzenduta, Carmen Martinezek eta Jesus Martinek jarriko diete ahotsa bertsoei, Ana Bejarano bakarlariak eta teklatuetan arituko den Guillermo Garmendiak lagunduta. Hala, zenbait abestiren letrek dituzten istorioei eta kondairei buruzko errezitaldi musikatua egingo da.
Poetalia, poesia atsegin eta idazten duten pertsonek osatutako tokiko elkartea da. Dikzio, poesia errezitaldi eta irakurketa antzeztu tailerrak antolatu ohi dituena. Elkartearen helburua, “sentimenduen mundua komunikatzea eta entzuleekin eta irakurleekin partekatzea da, poesiaren bitartez modu ederrean eta harmonikoan adierazita”, elkartearen esanetan.
Bidebarrieta Kulturgunea, Bidebarrietako Liburutegiaren barruan kulturari zuzendutako gunea da, eta bere helburuen artean liburuaren, literaturaren eta ezagutzaren garapena eta sustapena daude.
Informazio gehiagorako, sartu bilbao.eus webgunean.