Donostiako Kresala zineklubak B (David Ilundain, 2015) aurkeztuko du gaur, Trueba zine-aretoetan, 19:30etik aurrera. Filma Luis Bárcenas Espainiako Alderdi Popular-eko diruzain ohiak auzitegi nazionaleko agerraldian egindako deklarazioaren argazki zehatza da. Filmaren zuzendari David Ilundainek aurkeztuko du emanaldia.
Donostiako zineklubaren arabera, azken urteotan Espainian egin den film onenetarikoa da B; hain zuzen, Goya sarien azken edizioko hautagai garrantzitsuenetarikoa izan zen, gehienbat aktoreek egindako antzezpena dela-eta.
Filmak hauxe kontatzen du: “2013ko uztailaren 15ean, Luis Bárcenas Alderdi Popular-eko diruzain ohia espetxetik Auzitegi Nazionalera eramaten dute deklaratzera. Egun horretara arte Bárcenas-en paperak delakoekin edozein erlazio ukatu zuen, baina 18 egun kartzelan pasa ondoren, bere deklarazioa aldatzea erabaki zuen. Filmak egun hartan, aretoan gertatutakoa kontatzen du”.
Informazio gehiago: kresalazinekluba.