Señores taldeko Asier Goikoetxea Goiko-k (gitarra eta ahotsa) Bilboko Deustu auzoan dagoen Atxuri Music Bar tabernan joko du bihar, bakarrik eta formatu akustikoan, 21:00etan. Señores indie-pop-rock talde bilbotarrak, hain justu, lan berria argitaratu du, La Luz.
Urriaren 28an, halaber, Jacki Revlon and Tano Jao izango dira; jazz, bossanova eta blues doinuak joko dituzte bilbotarrek. Azaroaren 4an, Peri & Gross bikoteak rock estiloko kantu klasikoak joko dituzte.
Azaroaren 11n, Humanos Intentándolo kantautore bilbotarra, “nortasunik gabeko kantautorea”, arituko da, eta azaroaren 25ean, Mobydick folk-rock kantautore ezaguna izango da.
Kontzertu guztiak formatu akustikoan izango dira, eta sarrera doakoa izango da.
