Irailean Igeldon egingo den Kutxa Kultur Festibala jaialdiak hainbat kontzertu ondu ditu bihar eta etzi, uztailak 12 eta 13, Donostiako Gipuzkoa plazan. Horretaz gainera, bestelako jarduerak ere izango dira: bigarren eskuko merkatua, dantza, antzerkia, tailerrak, eta abar.
Kontzertuei dagokienez, larunbatean, lau emanaldi izango dira: 12:00etan, Luke Armstrong; 13:15ean, Frank; 18:30ean, Chase The Mayhem; eta, amaitzeko, 20:00etan, Bassmatti & Vidaur.
Igandean, halaber ondokoek joko dute: 12:00etan, Indigo; 13:15ean, Mery May; 18:00etan, Hydra; eta, azkenik, 19:00etan, The Animal Whitin.
Bestalde, Kutxa Kultur Festibala irailaren 5ean eta 6an egingo da Igeldon, eta antolatzaileek, dagoeneko, iragarri dute kartel nagusia: The Wombats, Lory Meyers, The Pains of Being Pure at Heart, Chk Chk Chk, El Columpio Asesino, Grises, Jacco Gardner…
Informazio guztia: kutxakultur.com.
