ESZENA

Musika elektronikoak ezohiko agertokiak hartuko ditu Bizkaian

Musika elektronikoa lurraldeko gune enblematikoetan entzungo da, toki horiei balioa emateko helburuz, Dantz Point Bizkaia by BBK ekimen kulturalari esker.

Musika elektronikoak ezohiko agertokiak hartuko ditu uda honetan, eta Ondarroa, Elorrio, Gernika, Durango eta Portugaleteko enklabe esanguratsuetan doako bost hitzordu izango dira, bost aste jarraian, eta aire zabalean.

Orain arte, makina bat dantz point egin dira Lisboa, Amsterdam, Atenas, Bordele, Hondarribia, Donostia, Iruña edo Cartagenan, eta orain ziklo hori Bizkaian ere egingo da, eta “gure lurraldeko ondare historiko eta kultural aberatsarentzat publiko berriak sortzea lortuko da abangoardiako musikaren bidez”,

Dantz Point Bizkaia by BBK 2024 abuztuaren 23an hasiko da Ondarroako Musika Plazan, eta Koldo Loira eta Celeraka artista lokalentzat agertoki izango da, inguruko beste DJ batekin, Garairekin, set-a partekatuko baitute. Astebete geroago, abuztuaren 30ean, ostirala, zikloa Elorrion izango da, Ganondo Parkean bertan. Bertan Elena Barker eta Gisa artistak arituko dira.

Irailaren 7an, Gernika-Lumoko Pasileku plazan Willy Kasper, Banpi eta Monika Elektra elkartuko dira. Irailaren 14an, Durangon izango da hitzordua Hiike, Aitana Rodríguez eta Areden saioarekin.
Ekimenaren azken saioa, irailaren 21ean izango da. Portugaleteko Andra Mari Basilikaren inguruan Tronis, Miravalles eta Amaia Yanizek egingo dute kontzertua.

Erakutsi gehiago

Antzeko artikuluak

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

Back to top button