Bidebarrietako liburutegiko ekitaldi aretoak, José Luis Merino idazle eta antzerki, literatura eta arte kritikariaren Hablan los artistas liburuaren aurkezpena egingo da gaur, 19:00etan.
Lan honetan, Euskal Herriko artistei egindako ehun elkarrizketa inguru agertzen dira bilduta. José Luis Merinoren lana duela ia hiru hamarkada hasi zen, jakin-min pertsonal bati erantzunez. Izan ere, urte luzez arte kritikari izan zen egileak, artista plastikoek zer pentsatzen duten jakin nahi izan du, eta bere inguruko ehun sortzailerengana zuzendu da, ia 700 orrialdetan, liburuan bildutako artisten pentsamendu estetikoaren eta biziari buruzkoaren panorama eskaintzeko.
Lan hori egin ahal izateko euren ezagutza eta esperientzia eskaini duten hogei bat artistak hartuko dute parte arratsaldeko ekimenean, horien artean Erramun Landa, Fernando Bidebost, Susana Talayero, Carmelo Camacho, Antón Hurtado, María Jesús Cueto, José Ángel Lasa, Ramón Pérez, Sonia Victor Arrizabalaga, Elena Mendizábal, Iñigo Arregi, Vernando eta Vicente Roscubas, Alberto Rementería eta Agustín Reche.
