Uztaileko ostiraletan kontzertuak izango dira Artium zentro eta museoaren kanpoko aldean Ilunabarrean zikloaren baitan. Uztailaren 5ean, Unexpected jazz taldeak irekiko du programa musikalaren bosgarren edizioa. Kontzertu hori Jazzaharrean zikloarekin batera ondutako emanaldia da.
Jazzaren atzetik, pop eta rock independentearen txanda iritsiko da. Hala, uztailaren 12an, Muy Fellini bikote nafarrak Fragmentos de una explosión izenburuko hirugarren lana aurkeztuko du. Disko berri hori aurrekoak baino gogorragoa da, batez ere gitarren soinuari dagokionez, eta Dinosaur Jr. Teenage Fanclub edo The Posies taldeetatik edaten dituzten kantu bikainak biltzen ditu.
Uztailaren 19an, CHANGE: Imagine Change The Storm musika eta ikus-entzunezko lanak batzen dituen ikuskizuna izango da. Azkenik, hilaren 26an, Vanpopel gipuzkoarrek eta El Capitán Elefante bizkaitarrek joko dute.
